Hvernig getur þú hjálpað nemendum þínum að fá hugmyndir og/eða vinna áfram með þær og betrumbæta?
Hér að neðan má nálgast ýmislegt kennslu- og stuðningsefni í nýsköpunarmennt sem nýtist vel. Hér er áherslan á fyrstu stig nýsköpunar, þ.e. hvernig þú getur hjálpað nemendum þínum að fá hugmyndir sem leysa raunveruleg vandamál eða áskoranir. Ferlið er rakið í stuttu máli hér að neðan (efni úr Næsta stig – nýsköpun og frumkvöðlafræði).
1. Æfingar – samvinna – hópefli
Þessi hluti byrjar því á upphitunaræfingum sem auka hæfni nemenda í samvinnu og skapandi hugsun svo þeir geri sér betur grein fyrir því hvernig slík vinna fer fram er áður en byrjað er á ferlinu sjálfu Markmiðið með æfingunum er að koma þátttakendum í rétta gírinn, bæði líkamlega og andlega.
2. Uppgvötunarstigið
Á þessu stigi er komið að því að fara út og kanna umhverfið af forvitni og finna þannig hugsanleg umfjöllunarefni sem hægt er að nota í skrefunum fjórum Þess vegna snýst það um að leiða huga nemenda að því samfélagi sem við búum í og hvaða möguleikum og áskorunum við stöndum frammi fyrir.
3. Hugmyndastigið
Nú eruð þið komin að hugmyndastiginu þar sem á að búa til nýjar hugmyndir, velja úr þeim og þróa þær áfram. Gott er að nota hugmyndakortin á þessu stigi.
4. Af hugmyndastiginu
Ef ætlunin er að láta nemendur vinna meira með hugmyndina er fínt að styðjast við kennsluleiðbeiningar með „Vertu þinn eigin yfirmaður“. Hægt er að láta nemendur vinna í öllu heftinu eða einhverja hluta þess. Nemendaheftið má nálgast hér að neðan, undir „rafrænar námsbækur.“
Ýmislegt efni til útprentunar
Nýsköpun – hugmyndavinna
Vinnublað sem gott er að nota fyrir hugmyndavinnuna. Hér þurfa nemendur að draga ýmsa þætti hugmyndarinnar fram og velta þeim fyrir sér. Fínt er ef kennarar og/eða forráðamenn geti aðstoðað börnin hér.
Orðaspjöld
Prentið öðru megin og klippið út. Látið svo nemendur draga 3 spjöld sem þau nota til búa til hugmynd. Nota skal 1 orð af hverju spjaldi.
Gott er að hafa nokkra nemendur saman í hóp svo þau geti nýtt sameiginlegt ímyndunarafl til að koma fram með hugmynd úr spjöldunum þremur.
Hægt að blanda saman við myndaspjöldin.
Hvar liggja hæfileikar þínir?
Hér er vinnublað sem hægt er að láta nemendur vinna í, til að þau átti sig á styrkleikum sínum, sem tengist oft áhugamálum þeirra. Gott er að reyna að koma fram með hugmynd sem tengist þessu. Einnig er þetta gott fyrir kennara til að velja saman í hóp en best er að hópurinn sé samansettur af einstaklingum með fjölbreytta styrkleika og hæfni.
Myndaspjöld
Prentið öðru megin og klippið út. Látið svo nemendur draga 3 spjöld sem þau nota til búa til hugmynd. Gott er að hafa nokkra nemendur saman í hóp svo þau geti nýtt sameiginlegt ímyndunarafl til að koma fram með hugmynd úr spjöldunum þremur.
Hægt að blanda saman við orðaspjöldin.
Sýnishorn – hugmyndavinna fyrir forrit
Sýnishorn af strætóappinu. Fínt að sýna þeim nemendum, sem hafa hugmynd sem tengist forritun, þetta til að sýna uppbyggingu þeirra.
Vinnublað – hugmyndavinna fyrir forrit
Hér er hægt að teikna upp forritið og uppbyggingu þess. Fínt að nota sýnishorn af strætóappinu til hliðsjónar.
Hvernig fær maður góða og gagnlega hugmynd?
Gott er að finna raunveruleg vandamál eða áskoranir til að reyna að leysa. Hér að neðan eru nokkur skjöl, til útprentunar, sem hjálpa til við það. 3 útgáfur eru af tveimur þeirra, sem miðast við orðaforða og skilning barna tveggja aldurshópa. Eintak er svo fyrir fyrir kennara (og forráðamenn).
10 leiðir að góðum hugmyndum
Með því að skoða þig um kynnist þú umhverfinu þínu betur og kannski sérðu eitthvað sem hægt er að bæta.
Nærsamfélagið og Heimsmarkmiðin
Til að fá góða og gagnlega hugmynd sem getur bætt samfélagið getur verið gott að skoða Heimsmarkmið Sameinuðu þjóðanna og sjá þar þau vandamál sem eru til staðar í kringum okkur. Ert þú með einhverja hugmynd sem gæti leyst eitthvert vandamálanna eða veistu um annað vandamál sem tengist einhverju markmiðana?
Nærsamfélagið og nýsköpun
Margar leiðir eru færar til að fá hugmyndir, sem geta gagnast hverfinu, bænum, borginni sem þú býrð í eða næsta nágrenni. Hér eru nokkrar.
Rafrænar námsbækur
Aðrar síður og efni
Ábendingar
Ertu með ábendingu um efni fyrir þessa síðu? Allar tillögur og ábendingar eru vel þegnar.