Topp 54 í úrslit/vinnusmiðju NKG2015

Nú hefur matsnefnd NKG2015 lokið störfum eftir langt og strangt ferli þar sem hagnýti, raunsæi og nýnæmi voru lögð til grundvallar. Keppninni bárust um það bil 2000 hugmyndir frá yfir 3000 þátttakendum um allt land. Aðstandendur keppninnar þakka öllum fyrir þátttökuna og hvetja alla hugmyndasmiði til áframhaldandi góðra verka í nýsköpun.

Á næstu dögum munu berast boð í vinnusmiðju til þeirra sem eru í topp 54 hóp NKG2015. Vinnusmiðjan fer fram í Reykjavík dagana 28. maí, 29. maí og 30. maí og lokahóf 31. maí. Ítarlegar upplýsingar fylgja bréfi sem sent verður til skóla, kennara og þátttakenda á næstu dögum.

Með nýsköpunarkveðju,

Anna Þóra Ísfold, framkvæmdastjóri NKG s. 6150574 nkg@nkg.is